Íþróttaskólinn

Íþróttaskólinn hefur vakið verðskuldaða eftirtekt annarra íþróttafélaga og héraðssambanda. Við höfum fengið mikið lof í hattinn vegna starfsins. Íþróttaskólinn hefur verið starfræktur frá hausti 2015. Hann er starfræktur í öllum þéttbýlunum, þ.e. á Patreksfirði, Tálknafirði og Bíldudal. Kennt er í samfellu við skólahald alla virka daga. Íþróttaskólinn sækir fyrirmynd sína til HSV en þar hefur íþróttaskóli verið starfræktur frá hausti 2011. Kennsla í skólanum skiptist í tvennt. Annars vegar grunnþjálfunarþátt og hins vegar boltaskóla sem kenndur er í lotum, þ.e. ein grein í einu. Boltaíþróttir sem aðildafélög HHF hafa í boði eru í hávegum hafðar auk þess sem við kynnum fyrir börnunum aðrar greinar sem ekki endilega eru í boði.

Upphaflega var íþróttaskólinn verkefni HHF en nú hafa sveitarfélögin Vesturbyggð og Tálknafjarðarhreppur tekið við keflinu og reka nú skólann í samstarfi við HHF og aðildarfélög þess.

Markmið skólans eru eftirfarandi:

  • Auka fjölda barna sem iðka íþróttir
  • Að fyrstu kynni barna af íþróttaiðkun séu jákvæð
  • Að börn fái að njóta eins mikillar fjölbreytni og kostur er
  • Auka gæði þjálfunar og auka samræmingu þjálfunar á svæðinu
  • Lækka kostnað heimila við íþróttaiðkun barna
  • Auka grunnþjálfunarhluta æfinga sem tengjast almennum hreyfiþroska
  • Að bærn læri frá upphafi skólagöngu að hreyfing er hluti af daglegu lífi

Íþróttaskólinn hefur valinn mann í hverju rúmi en starfsmenn eru:

Páll Vilhjálmsson sjúkraþjálfari – skólastjóri og kennari

Kristín Brynja Gunnarsdóttir íþróttafræðingur – kennari

Sigurbjörn Veigar Friðgeirsson íþróttafræðingur – kennari

Marion Worthmann zúmbakennari og íþróttaspekúlant – kennari

Telma Ýr Snorradóttir fimleikaþjálfari – kennari

Svava Gunnarsdóttir – kennari

 

Smellið hér fyrir nánari upplýsingar um íþróttaskóla í Vesturbyggð.